თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
loader

Breaking news

თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ

  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ
  • თავდაცვის ძალები შსს-თან ერთად მარნეულისა და ბოლნისის გარე პერიმეტრს აკონტროლებენ

თბილისი: საქართველოს თავდაცვის ძალების აღმოსავლეთ სარდლობის ქვედანაყოფები მარნეულისა და ბოლნისის გარე პერიმეტრს შინაგან საქმეთა სამინისტროსთან ერთად სპეციალურად მოწყობილ საკონტროლო გამშვებ პუნქტებზე აკონტროლებენ. ასევე თავდაცვის ძალების მიერ მეორეხარისხოვან, შემოვლით გზებზე ხორციელდება პატრულირება და ოპერაციის რაიონის ტექნიკური თვალთვალის საშუალებით კონტროლი.

თავდაცვის სამინისტროს ინფორმაციით, სამხედროები მეორეხარისხოვან გზებს 24 საათის განმავლობაში დრონის, თერმული, ღამის ხედვისა და დღის პირობებში ოპტიკური საშუალებებით აკონტროლებენ.

მეორეხარისხოვანი გზების გაკონტროლების მიზნით თავდაცვის ძალების 6 სტაციონარული და 1 მობილური საკონტროლო პუნქტია მოწყობილი. დღე-ღამის განმავლობაში მობილური ჯგუფი სტაციონარულ პუნქტებს შორის ავტომანქანებით პატრულირებს, სტაციონარული პუნქტიდან კი, ქვეითი პატრული შემოვლით გზებს აკონტროლებს. სამხედროების მიერ დარღვევის ფაქტის აღკვეთა დაუყოვნებლივ ხდება.

თავდაცვის ძალების ქვედანაყოფები ასევე აკონტროლებენ მარნეულისა და ბოლნისის მუნიციპალიტეტების ხუთ შესასვლელს ბოლნისსა და კაზრეთში, ასევე თეთრიწყარო-მარნეულისა და წითელი ხიდი-რუსთავის დამაკავშირებელ გზებზე. საგანგებოდ მოწყობილ საკონტროლო გამშვებ პუნქტებზე სამხედრო მოსამსახურეები ამოწმებენ ყველა შემსვლელ-გამომსვლელ პირს. საბრძოლო-საინჟინრო ბატალიონის სწრაფი რეაგირების რადიაციული, ქიმიური და ბიოლოგიური დაცვის დანაყოფი სპეციალური ხსნარით ტერიტორიაზე შემავალი და გამავალი ავტოტრანსპორტის დამუშავებას უზრუნველყოფს. დანაყოფი ნატოს სტანდარტების შესაბამისი ტექნიკითაა აღჭურვილი, რომელიც სხვადასხვა ეპიდემიების და მსგავსი შემთხვევების ლიკვიდაციისთვის გამოიყენება. თავდაცვის ძალების სამედიცინო პერსონალი კი, საგუშაგოებთან გაშლილ საველე კარვებში მოქალაქეებს პირველად სამედიცინო შემოწმებას უტარებს.

მთავრობის საკოორდინაციო საბჭოს გადაწყვეტილებით, ბოლნისისა და მარნეულის მკაცრ საკარანტინო რეჟიმზე გადასვლასთან დაკავშირებით, საქართველოს თავდაცვის ძალები კორონავირუსის გავრცელების საპრევენციო ღონისძიებებში 23 მარტიდან ჩაერთო. თავდაცვის ძალები შინაგან საქმეთა სამინისტროსთან სრულ კოორდინაციაში საკარანტინო შეზღუდვებს საგანგებო რეჟიმში აკონტროლებენ.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე